Бүгүн «Бишкек Арена» расмий ачылат: бекер автобустар кайсы жерлерден каттайт

Бүгүн, 5-октябрда, саат 17:00дө жаңы «Бишкек Арена» спорттук-оюн-зоок аянтчасынын расмий ачылышы өтөт.

Көрүүчүлөр үчүн кыргыз эстрадасынын белгилүү ырчыларынын катышуусунда масштабдуу концерттик программа даярдалды. Аны VI Дүйнөлүк көчмөндөр оюндарынын ачылыш аземин уюштурган продюсерлер даярдашкан.

Иш-чарага кирүү акысыз, бирок алдын ала катталуу зарыл. Аренага кирүүдө QR-билет жана Face ID аркылуу идентификация талап кылынат.

Бир ПИН-кодго бир гана билетти өзүнө каттатууга болот. Билетти башка адамга өткөрүп берүү же жокко чыгаруу мүмкүн эмес. Катталууга орундар этап-этабы менен ачылат.

Жаш курак боюнча чектөө — 7 жаштан жогору. Жети жашка чейинки балдар иш-чарага киргизилбейт.

Ошондой эле аренага тамак-аш жана суусундуктарды алып кирүүгө тыюу салынат. Кире бериште милдеттүү түрдө текшерүү жүргүзүлөт.

Көрүүчүлөр үчүн аренага чейин бекер автобустар уюштурулат. Иш-чара аяктагандан кийин автобустар жүргүнчүлөрдү кайра баштапкы жөнөп кетүү пункттарына жеткирет.

Ленин районунда:

Барпы Алыкулов көчөсү, 32;
«Аккула» автобекети, Фрунзе көчөсү, 13Б;
Көк-Жар конушундагы Ахунбаев жана Достоевский көчөлөрүнүн кесилиши.

Октябрь районунда:

Асанбай кичи районундагы Аалы Токомбаев проспекти, 3/7;
Гагарин жана Фрунзе көчөлөрүнүн кесилиши;
Сухэ-Батор көчөсү, «Глобус» дүкөнүнүн жанында.

Биринчи Май районунда:

Ибраимов жана Фрунзе көчөлөрүнүн кесилиши;
Абдымомунов көчөсү, 220.

Свердлов районунда:

Жибек Жолу проспекти менен Кулиев көчөсүнүн кесилиши, Батыш автобекетинин аймагы;
Аламүдүн-1 кичи районундагы Ауэзов көчөсү, 4.