Ала-Тоо аянтында Манастын жаңы эстелиги орнотула баштады

8-июлга караган түнү Манастын жаңы айкелинин бөлүктөрү Ала-Тоонун борбордук аянтына алып келинди. 

Күбөлөр белгилегендей, жаңы айкел мурункусунан алда канча чоң, жаңы фигура масштабдуу көрүнөт.

Ала-Тоодогу Манастын эстелиги 2011-жылы Кыргызстандын эгемендүүлүгүнүн 20 жылдыгына карата тургузулган. Ал мурунку “Эркиндик” композициясын алмаштырып, улуттук биримдиктин символу болуп калды. Жаңы эстеликти Эгемендүүлүк күнүнө чейин толук чогултуу пландалууда.

Үстүбүздөгү жылдын башында реконструкциялоо жөнүндө жарыяланып, анда постаменттин өзүн гана жаңылоо эмес, жер астындагы курулуштарды бекемдөө да камтылган. Бул аралыкта “Айкөл Манас” эстелиги убактылуу сактоочу жайга көчүрүлгөн.

Эстеликтин жаңы элементтеринин пайда болушу шаардыктардын кызыгуусун жаратты.