Алай районунда 150 орундуу мектеп ачылды

Ош облусуна караштуу Алай районунун Сары-Таш айылында бүгүн Т.Эсенов атындагы мектептин ачылыш аземи болду. Бул тууралуу Мамкурулуштан билдиришти. 

Билим уясы 150 орунга ылайыкташкан. Жалпы аянты 956 чарчы метрди түзөт.

Мектептин курулушу 2022-жылы республикалык бюджеттин эсебинен башталган.

Долбоор боюнча Г формасында 3 блоктон турган, эки кабаттуу окуу корпус, китепкана, жыйындар зал, медициналык бөлмө, ашкана, өтмө галерея жана спорттук зал каралган.

Мектептин курулушунун наркы 87 млн сомду түзөт.