Кыргызстан боюнча 300 балдарды эрте өнүктүрүү борбору иштеп жатат

Кыргызстан боюнча китепканалардын алдында 300 эрте өнүктүрүү борбору иштеп жатат. Бул тууралуу Билим берүү жана илим министрлиги билдирет. 

Эрте өнүктүрүү борборлору - билимге, маданиятка жана чыгармачылыкка ачылган терезе.

Алар балдардын жашоосуна оң таасирин тийгизүү менен келечек муундун өсүшүнө салым кошот. Бул борборлордун негизги ишмердүүлүгү билим берүү программаларын, социалдык жөндөмдөрдү, чыгармачылыкты өнүктүрүү, ата-энелер үчүн колдоо, китепкана ресурстарын пайдалануу, балдардын камтылышын көбөйтүү багыттарын камтыйт.

Балдарды эрте өнүктүрүү борборлору ата-энелер менен балдардын сүйүктүү жайына айланды. Балдардын ар тараптуу өнүгүүсү үчүн шарт түзүлүп, оюндар, кол өнөрчүлүк жана башка иш-чаралар аркылуу чыгармачылык жөндөмдөрүн өркүндөтүп жатышат.

Алар облус, шаарда эле эмес, айылдарда да жемиштүү иштөөдө. Айрым борборлордун ишмердүүлүгү сүрөттөр менен чагылдырылат.