КР Жогорку сотунда Пленум болуп өттү

Нурлан Мусаевдин төрагалыгы алдында бүгүн, 17-октябрда КР Жогорку сотунда Пленум болуп өттү.

Пленумдун ишине Жогорку соттун жана жергиликтүү сотторунун судьялары, Башкы прокурорунун, Юстиция жана Ички иштер министрликтеринин өкүлдөрү катышты.

Күн тартибинде катышуучулар алты маселени карашты:

- Кыргыз Республикасынын Жогорку сотунун Пленумунун «Жыныстык кол тийбестикке жана жыныстык эркиндикке каршы кылмыштар жөнүндө иштер боюнча соттук практика тууралуу» токтомунун долбоору;

- Кыргыз Республикасынын Жогорку сотунун Пленумунун «Курчап турган чөйрөнү коргоого байланыштуу жарандык иштерди соттор кароодо мыйзамдарды колдонуунун айрым маселелери жөнүндө» токтомунун долбоору;

- Кыргыз Республикасынын Жогорку сотунун Пленумунун 2018-жылдын 28-февралындагы №4 “Соттук чечим жөнүндө” токтомуна өзгөртүүлөрдү киргизүү жөнүндө токтомунун долбоору;

- Кыргыз Республикасынын Жогорку сотунун Пленумунун 2019-жылдын 24-майындагы №13 «Соттук өкүм жөнүндө» токтомуна өзгөртүүлөрдү киргизүү жөнүндө токтомунун долбоору;

- “Кыргыз Республикасынын Жогорку соту демилгелеген мыйзам долбоорун жактыруу жөнүндө” токтомунун долбоору;

- Кыргыз Республикасынын Жогорку сотунун Пленумунун 2022-жылдын 25-февралындагы №8 “Кыргыз Республикасынын Жогорку сотунун алдындагы Илимий-консультациялык кеңештин курамын бекитүү жөнүндө” токтомуна өзгөртүүлөрдү киргизүү жөнүндө токтомунун долбоору.

Жогорудагы токтом долбоорлору бир добуштан кабыл алынды.