Новопокровкада №40 автобус үйдүн дубалын сүзүп алды

Новопокровкада №40 автобус үйдүн дубалын сүзүп алды.

Окуя 27-сентябрда саат 11:00 чамасында Кирпичная көчөсүнүн акыркы аялдамасында катталган.

Алдын ала маалымат боюнча, Бишкек шаардык транспорт муниципалдык ишканасынан билдиришкендей, №40 каттамда жүргөн Zhong Tong үлгүсүндөгү автобустун айдоочусу аялдамада токтоп жаткан учурда №70 үйдүн дубалын сүзүп алган.

Жүргүнчүлөр арасында жабыркагандар жок.

Жол кырсыгы каттоого алынып, учурда текшерүү жүргүзүлүп, окуянын жагдайлары такталууда.