Баткен: саат 10:00гө карата шайлоочулардын 3,3%ы добуш берди

Баткен облусунда саат 10:00гө карата шайлоочулардын 3,3%ы добуш берди.  Тагыраагы, 11726 жаран шайлоого катышты.

Облуста шайлоочулардын жалпы саны 355 миң 192 жаранды түзөт.

Аймакта жалпы 220 шайлоо участкасы иштеп жатат.

Белгилей кетсек, Кыргызстанда бүгүн, 30-ноябрда Жогорку Кеңештин депутаттарын мөөнөтүнөн мурда шайлоо өтүүдө.

Саат 08:00дө өлкө аймагы боюнча 2492 шайлоо тилкеси ачылып, добуш берүү башталды.

Ал эми чет мамлекеттерде жарандардын шайлоо укугун камсыздоо максатында 100 шайлоо тилкеси түзүлдү.