№13 округдан кайра шайлоого катышуу үчүн үч арыз түштү

Борбордук шайлоо комиссиясына (БШК) Жалал-Абад облусундагы №13 аймактык шайлоо округунан Жогорку Кеңештин депутаттыгына шайлоого катышуу максатында үч адам арыз берди.

Үчөө тең өзүн-өзү көрсөтүшкөн. 

Алар:

• 61 жаштагы Акылбек Арстанбеков,
• 54 жаштагы Эркинбек Маматаев,
• 56 жаштагы Уланбек Асанов.

Боршайкомдун маалыматына караганда, шайлоого катышуучулардан арыз алуу 28-январь күнү, саат 18:00дө токтойт.

Аталган округдан депутаттарды кайра шайлоо 1-мартта өтөт. Үгүт иштери 9-февралда башталып, 28-февралда аяктайт.