Москвада КМШ өлкөлөрүнүн СӨП башчыларынын кеңешинин жыйыны өттү

Москвада КМШ өлкөлөрүнүн Соода-өнөр жай палаталарынын башчыларынын кеңешинин жыйыны өттү, деп билдирет КП СӨПтүн басма сөз кызматы. 

Маалыматка ылайык, бул Кыргызстандын, Россиянын, Казакстандын, Өзбекстандын, Тажикстандын, Армениянын, Беларустун жана Монголиянын (байкоочу статусу менен) Соода-өнөр жай палаталарынын өкүлдөрүн чогулткан акыркы беш жылдагы биринчи бетме-бет жолугушуу.

Жыйындын негизги темасы интеграциянын жаңы деңгээлин жана КМШ өлкөлөрүнүн ортосундагы өз ара соода агымын кеңейтүүдө соода-өнөр жай палаталарынын ролун талкуулоо болду.

Иш-чаранын жүрүшүндө палаталардын өз ара аракеттенүүсүн бекемдөөгө, соода-экономикалык байланыштарды өнүктүрүүгө жана аймактагы бизнести колдоого багытталган кызматташуу келишимине кол коюлду.

Мындан тышкары, иш сапарынын алкагында Темир Сариев Россия Федерациясынын Экономикалык өнүктүрүү министри Максим Решетников менен жолугушуу өткөрдү.