“Кумтөр" ишканасынын жетекчиси алмашты

“Кумтөр Голд Компани” жабык акционердик коомунун президенти Алмазбек Барыктабасов кызматтан кетип, анын ордуна Бузурман Субанов дайындалды. Бул тууралуу ишкананын расмий сайтында маалымдалат. 

Ошондой эле төрт вице-президенттин үчөө алмашканы маалым болду: Дмитрий Долматовдун ордуна Каныбек Кошоков, Кубанычбек Турдукожоевдин ордуна Бакытбек Майлиев, ал эми Канатбек Кадыровдун ордуна Улукмырза Абакиров дайындалды.

“Кумтөрдүн” вице-президенттеринин бири Талайгүл Букарбаева гана ордунда калган.

Ачык булактарда Бузурман Субанов тууралуу дээрлик маалымат жок. “Кумтөрдүн” жетекчиси болгонго чейин “Кыргызалтын” ишканасынын төрагасынын орун басары болуп иштеп турганы гана белгилүү.