Кыргызстан ЕАЭБ өлкөлөрүнө сүт азыктарын экспорттоону көбөйттү

ЕАЭБ өлкөлөрүндө Кыргызстанда өндүрүлгөн сүт азыктарына болгон суроо талап өстү, деп билдирет Айыл чарба министрлигинин басма сөз кызматы. 

Маалыматка ылайык, 2024-жылы өлкөдөн 33 миң тоннадан ашык сүт жана сүт азыктары экспортко чыкты. Тагыраагы, өткөн жылы эскпорттоонун көлөмү 33 374, 7 тоннаны түздү. Анын ичинен:

• сыр - 1 451,6 тн
• шоро - 120,8 тн
• курут - 3,3 тн
• каймак май - 1 881,8 тн
• балмуздак - 4 480,1 тн
• каймак - 660,8 тн
• кургак сүт - 1 212,4 тн
• пастерленген сүт - 124,0 тн

Бул өткөн жылга салыштырмалуу 3 164,5 тоннага көп. 2023-жылы Кыргызстан 30 210, 2 тонна сүт азыктарын сыртка сатыкка чыгарган.