Жаратылыш ресурстары министрлиги экологиялык агартуу иштерин күчөтүүдө

Жаратылыш ресурстары, экология жана техникалык көзөмөл министрлиги экологиялык агартуу иштерин күчөтүүдө.

Ведомстводон билдиришкендей, аталган иштин алкагында Нарын регионалдык башкармалыгынын, К.Базарбаев атындагы Каратал-Жапырык мамлекеттик жаратылыш коругунун, Нарын мамлекеттик жаратылыш коругунун, Салкын -Төр мамлекеттик жаратылыш паркынын кызматкерлери тарабынан С.Нааматов атындагы Нарын мамлекеттик университетинин Агротехникалык жана экономикалык колледжинин студенттерине Кыргыз Республикасынын жаратылыш ресурстары, экология жана техникалык көзөмөл министрлигинин "Экология жана айлана-чөйрөнү коргоонун негиздери" темасы боюнча жана жалпы эле экологиялык көйгөйлөр жөнүндө дарс өткөрүлүп, суроо-жооптор жана талкууларду уюштурулду.

Ошондой эле, Чоң-Кемин мамлекеттик жаратылыш паркы Билим берүү министрлигинин кызматкерлери менен биргеликте Калмак-Ашуу орто мектебинин окуучулары менен экологиялык агартуу иштерин жүргүзүп, кызыктуу фото капкандардан түшкөн сүрөт жана видеолор көрсөтүштү.