Бишкекте "Эрдик эскирбейт" аттуу китеп фестивалы өтөт
Бишкекте "Эрдик эскирбейт" аттуу китеп фестивалы өтөт, деп билдирет Маданият, маалымат, спорт жана жаштар саясаты министрлигинин басма сөз кызматы.
Иш-чара 23-апрелде саат 11:00дө Курманжан Датканын эстелигинин жанында башталып, бүткүл дүйнөлүк китеп жана автордук укук күнүнө жана Улуу Жеңиштин 80 жылдыгына арналмакчы.
Фестиваль - окууну, жаратмандыкты, шыктанууну жана билими менен бөлүшүүнү сүйгөндөр үчүн чоң майрам.
- Иш-чаранын программасы:
- Басмаканалардын, китеп дүкөндөрүнүн жана авторлордун катышуусунда китеп жарманкеси;
- Китеп искусствосу” улуттук сынактын жыйынтыгы;
- Балдар үчүн мастер-класстар, интерактивдүү аянтчалар жана байгелүү оюндар;
- Авторлор менен жеринде баарлашуу жана китептерди түздөн-түз сатып алуу мүмкүнчүлүгү;
- Кыргыз эстрада жылдыздарынын катышуусунда концерттик менен коштолот.
Окуу — бул билимдин күчү, руханий тарбиянын булагы жана өнүккөн коомдун пайдубалы.