Бишкекте «Ала-Тоо жазы» жаштар кароо-сынак фестивалы өтөт

Кыргыз Республикасынын Маданият, маалымат жана жаштар саясаты министрлиги тарабынан 2025-жылдын 14-апрелинде саат 12:00дө Т. Сатылганов атындагы Кыргыз улуттук филармониясында «Ала-Тоо жазы»  жаштар кароо-сынак фестивалы өткөрүлөт.

Бул фестиваль алгачкы жолу 1966-жылы өткөрүлүп, Кыргызстандагы музыкалык маданияттын ажырагыс салтына айланган.

Ушул жылы фестиваль заманбап форматта кайра жанданып, жаштардын чыгармачылык жөндөмдөрүн өнүктүрүүгө жана улуттук маданий мурасты сактап-жайылтууга багытталган.

Фестивалга өлкөнүн 24 жогорку окуу жайынан жалпы 104 команда катышат. Иш-чаранын жүрүшүндө жаштар ар кыл жанрлардагы чыгармачылык көрсөтүүлөрү менен көпчүлүктүн көңүлүн бурат.