Кыргызстанда өтчү VI Дүйнөлүк көчмөндөр оюндарынын датасы аныкталды

Кыргызстанда Дүйнөлүк көчмөндөр оюндары (ДКО) 2026-жылдын 31-августунан 6-сентябрына чейин өтөт. Бул тууралуу ДКОнун уюштуруу комитети билдирди.

Ачылыш аземи 31-августта Бишкекте, ал эми жабылуу аземи 6-сентябрда Ысык-Көлдүн жээгинде болот. Оюндардын ачылыш аземинен башка бардык негизги программасы Ысык-Көлдүн кооз жээгинде ачылат.

Иш-чара 89дан ашык өлкөдөн келген катышуучулар жана коноктор үчүн тартуу борбору болуп калат.

Дүйнөлүк көчмөндөр оюндары Кыргызстандын дүйнө элдеринин маданияттарынын диалогу үчүн уникалдуу эл аралык аянтча катары статусун дагы бир жолу тастыктайт.