Ноокат районунда үч жаңы мектептин курулушу башталды

Ош облусунун Ноокат районунда үч жаңы жалпы билим берүү мектебинин курулушу башталды. Бул тууралуу 26-июнда Курулуш министрлигинен кабарлашты. 

Капсула салуу иш-чарасына курулуш министри Нурдан Орунтаев, облус башчысы Аманкан Кенжебаев катышты.

Курулушу башталган мектептер:

• Т. Кулатов атындагы айыл аймагынын Абшыр-Ата айылындагы 275 орундуу мектеп;
• Т. Кулатов атындагы айыл аймагынын Ак-Терек айылындагы Колдошов атындагы 375 орундуу мектеп;
• Т. Кулатов атындагы айыл аймагынын Кош-Дөбө айылындагы Э. Эргешов атындагы 375 орундуу мектеп.

Долбоорго ылайык, мектептер 2-3 кабаттуу курулуп, заманбап окуу класстары, ашкана, спорт зал, жыйындар залы жана башка керектүү инфраструктуралык шарттар каралган.

Курулуш иштери республикалык бюджеттин эсебинен каржыланып, министрлике караштуу “Кыргызкурулуш” мамлекеттик ишканасы тарабынан ишке ашырылууда.