Эмомали Рахмон "Ата-Бейит" комплексине барды

Кыргызстанга мамлекеттик визит менен жүргөн Тажикстандын президенти Эмомали Рахмон "Ата-Бейит" тарыхый-мемориалдык комплексинде болду.

Министрлер кабинетинин төрагасы Адылбек Касымалиевдин коштоосунда президент Эмомали Рахмон 1916-жылдагы кайгылуу окуялардын курмандыктарынын мемориалына гүлчамбар коюп, курман болгондордун элесине таазим кылды.

Андан соң Тажикстандын президенти залкар кыргыз жазуучусу Чыңгыз Айтматовдун  күмбөзүнө гүл коюп, маркумга Куран окулду.