Түндүк–Түштүк альтернативдик унаа жолу ачылды

Күн мурун, 21-июнда нөшөрлөп жааган жамгырдын кесепетинен Түндүк–Түштүк альтернативдик унаа жолунун 361–370-чакырым аралыгына сел түшкөн.

Транспорт жана коммуникациялар министрлигинин маалымат кызматынан кабарлашкандай, жеринде атайын техникалар тартылып, тазалоо иштери ыкчам жүргүзүлдү.

Натыйжада жол бүгүн, 22-июнда, таңкы саат 05:00дө тазаланып, каттам эки тараптуу ачылды.

Учурда жолду кеңейтүү боюнча иштер жүргүзүлүүдө.