Тегеранда ШКУнун аскердик медицина боюнча конференциясы өттү

Тегеранда Куралдуу Күчтөрдүн Башкы штабы жана Иран Ислам Республикасынын Армия медициналык университети тарабынан уюштурулган Шанхай кызматташтык уюмуна (ШКУ) мүчө мамлекеттердин аскердик медицина боюнча конференциясы өттү.

Заманбап чакырыктар жана коркунучтар алдында аскердик медицинаны өнүктүрүүгө байланыштуу актуалдуу маселелерге багытталган иш-чарага ШКУга мүчө мамлекеттердин аскердик медициналык бөлүмдөрүнүн өкүлдөрү жана эксперттери, ШКУнун катчылыгынын жана ШКУнун Регионалдык терроризмге каршы түзүмүнүн (РАТС) Аткаруу комитетинин кызматкерлери катышты.

Өз сөзүндө катчылыктын өкүлү ШКУнун алкагындагы аскердик медициналык кызматташтыктын абалы жөнүндө маалымат берди. Мүчө мамлекеттердин ортосундагы биргелешкен ишти координациялоону жакшыртуу үчүн бекем институционалдык негиз түзүүнүн маанилүүлүгү баса белгиленди.

Делегаттар тактикалык медицинаны уюштуруу, заманбап дарылоо ыкмалары, эпидемиологиялык коркунучтарды көзөмөлдөө үчүн жасалма интеллектти жана санариптик технологияларды колдонуу, ошондой эле аскердик кызматкерлерди, анын ичинде травмадан кийинки стресстик бузулуу учурларын медициналык жана психологиялык колдоо сыяктуу кеңири темаларды талкуулашты.

Тараптар тиешелүү тармакта кызматташууну кеңейтүүгө жана тажрыйба алмашууга бекем берилгендигин тастыкташты.