Жумгалда дарыгерге кол салууга шектелген жаран кармалды

Жумгал районунда медицина кызматкерине кол салууга шектүү жаран камакка алынды. Бул тууралуу Нарын облустук милициясынан кабарлашты. 

Маалыматка ылайык, 2026-жылдын 27-июнунда Жумгал райондук жалпы дарыгерлер практикалык борборунун тез жардам бөлүмүндө кызматтык милдетин аткарып жаткан медицина кызматкерине күч колдонуу фактысы катталган.

Бул факт боюнча кылмыш иши козголуп, соттук-медициналык экспертизанын жыйынтыгында жабырлануучунун ден соолугуна жеңил залал келтирилгени аныкталган.

Тергөө амалдарынын жүрүшүндө кылмышка шектүү жаран кармалып, соттун чечими менен камакка алынды.

Учурда кылмыш иши боюнча тергөө улантылууда.