Зыяндуу чегирткелерге каршы күрөшүү боюнча 87 832 гектар аянтта изилдөө жүргүзүлдү

Зыяндуу чегирткелер жыл сайын республикабыздын айыл чарбасына, экономикасына жана калктын социалдык жашоосуна потенциалдуу коркунуч жаратып, өлкөнүн азык-түлүк коопсуздугуна терс таасирин тийгизиши мүмкүн.

2026-жылдын 29-июнуна карата республика боюнча зыяндуу чегирткелерди аныктоо максатында 87 832 гектар аянтта изилдөө иштери жүргүзүлдү.

Анын ичинде:

• Жалал-Абад облусунда – 41 287 гектар;
• Ош облусунда – 14 750 гектар;
• Баткен облусунда – 15 500 гектар;
• Чүй облусунда – 10 695 гектар;
• Талас облусунда – 3 530 гектар;
• Нарын облусунда – 2 070 гектар.

Зыяндуу чегирткелерге каршы химиялык иштетүү иштери республика боюнча жалпы 55 950 гектар аянтта жүргүзүлдү.
Анын ичинде:

• Жалал-Абад облусунда – 27 730 гектар;
• Баткен облусунда – 12 540 гектар;
• Ош облусунда – 9 260 гектар;
• Чүй облусунда – 3 500 гектар;
• Нарын облусунда – 1 580 гектар;
• Талас облусунда – 1 340 гектар.

Бүгүнкү күндө Өсүмдүктөрдү химиялаштыруу, коргоо жана карантин департаментинин адистери тарабынан жүргүзүлүп жаткан изилдөө жана күрөшүү иш-чараларынын негизги бөлүгү ийгиликтүү жыйынтыкталды. Учурда изилдөө жана зарыл болгон химиялык иштетүү иштери Нарын облусунда гана улантылып жатат. Калган бардык облустарда зыяндуу чегирткелерге каршы жүргүзүлгөн иш-чаралар толук көлөмдө аяктады.

Департамент тарабынан фитосанитардык абалга туруктуу мониторинг жүргүзүлүп, зыяндуу чегирткелердин жайылышына жол бербөө боюнча бардык иш-чаралар өз убагында жана ыкчам аткарылууда.