Пенсионерлер үчүн акысыз. Бишкекте «Айтматов» спектакли коюлат

Бишкекте Нооруз майрамын утурлай, алтын курактагы көрүүчүлөр үчүн өзгөчө маданий иш-чара уюштурулууда.

Маданият министрлигинен кабарлашкандай, 2026-жылдын 21-мартында Ч. Айтматов атындагы мамлекеттик улуттук орус драма театры сахнасында «Айтматов» спектаклинин кайрымдуулук көрсөтүүсү болот. Башталышы саат 15:00. 

Аталган спектакль улуу жазуучу Чыңгыз Айтматовдун чыгармачылык дүйнөсүнө арналган. Көрүүчүлөрдү актёрлордун жогорку чеберчилиги менен коштолгон таасирдүү сахналык чыгармалар күтөт.

Спектаклдин режиссёру – Вячеслав Виттих, автору – Артем Бруно. Сахнада театрдын толук труппасы өнөр көрсөтөт.

Иш-чаранын узактыгы 1 саат 20 мүнөттү түзүп, антракт каралган эмес.