Бишкекте кармашып урушуу боюнча ИИМдин кубогу өтөт

Бишкекте кармашып урушуу боюнча Ички иштер министрлигинин кубогу өтөт.

Дене тарбия жана спорт департаменти билдиргендей,Кыргыз милициясынын 100 жылдыгына арналган иш-чара 13-14-октябрь күндөрү Каба уулу Кожомкул атындагы спорт ордосунда өтмөкчү.

Мелдешке Кыргызстандын бардык аймактарынан келген спортчулар катышат.

Катышуучулар 57, 62, 67, 73, 80, 88, 97 жана +97 кг салмак категорияларында күч сынашат.

Кубок Дене тарбия жана спорт департаментинин алдындагы спорттун олимпиадалык эмес түрлөрү боюнча дирекциясы, Ички иштер министрлиги жана Кармашып урушуу федерациясы тарабынан уюштурулууда.