Нарын дарыясына түшүп кеткен кыз бир жумадан бери табыла элек. Издөө уланууда

Нарын дарыясына секирип кетип, дайынсыз болуп жаткан өспүрүм кызды издөө иши кеч киргендигине байланыштуу токтотулду. Эртең, 9-ноябрда уланат.

Бүгүн издөө ишине Нарын шаардык ӨКБдан 10 куткаруучу, Ак-Талаа райондук ӨКБдан 7 куткаруучу, 20 милиция кызматкери, жергиликтүү тургундардан 21, жалпы 58 адам тартылды.

Нарын шаардык ӨКБ Куланактан баштап Учкун, Пионер, 8-Март айылдарына чейин Нарын дарыясын жээктеп, издөө иштерин жүргүзсө, Ак-Талаа №47 ӨКБ Ак-Тал-Чаттан баштап Үгүткө карай издешти. 3 дүрбү, 2 унаа тартылды.

Белгилей кетсек, Нарын шаарында 2-ноябрь күнү Жаңы-Жол тилкесиндеги көпүрөдөн 2007-ж.т. Т.Э. аттуу өспүрүм кыз Нарын дарыясына секирип кеткендиги тууралуу маалымат түшкөн. Ошол күндөн бери издөө уланууда.

Кошумча маалымат берилет.

09.11.2024 21:32:32